درباره والي هلمند

د هلمند د والي ښاغلي حیات الله حیات پیژندنه

ښاغلی حیات الله حیات له اره د ننګرهار ولایت د خوګیانو ولسوالۍ استوګن دی، چې په کال ۱۳۵۲ هجري شمسي کې یې د ښاغلي حاجي ملک پاچا په کاله کې دې نړۍ ته سترګې وغړولې.

نوموړی له یوې دینداره او روحاني کورنۍ سره تړاو لري ، چې د زده کړو پیل یې  د خپل کلي په جومات کې د الف با له سیپارې وکړ.

ښاغلي حیات خپلې لومړنۍ زده کړې په خوګیانو ولسوالۍ کې ترسره او بیا وروسته لکه د نورو هیوادوالو یې هجرت وکړ؛ نو  پاتي زده کړې یې د هجرت په دیار کې ترسره کړې.

ښاغلي حیات الله حیات په حقوقو او ادبیاتو پوهنځیو کې تر لیسانس کچې زده کړې کړې او هم یې په اداره او منجمنټ کې ماسټري کړې ده.

هغه په نړیوالو او ملي موسساتو کې په ملي او نړیواله کچه د کار شل کلنه تجربه لري او د کار ډیره برخه یې بشري حقونو، ماین پاکۍ او بشري مرستو اړوند ده.

ښاغلي حیات الله حیات د رسمې چارو ترڅنګ د ولس هوساینې لپاره مدني فعالیتونه هم کړي، چې د خپل ویښ او فعال شخصیت په اساس د مدني ټولڼو د ګډ کاري ګروپ د سکرتر جنرال او هم د مدني ټولنو د همغږۍ مرکزمنتخب رییس ټاکل شوی دی.

نوموړي  په ټولنه کې د فعال حضور او ښو فعالیتونو په اساس دغه راز د خوګیانو ولسوالۍ د سراسری شورا رییس په توګه هم خپله دنده ترسره کړې ده.

ښاغلي حیات الله حیات تراوسه د نړۍ څلور دیرش هیوادونو ته سفرونه کړي او په دوه ویشت نړیوالو کنفرانسونو کې یې ګډون کړی دی.

هغه د هیواد رسمي ژبو پښتو او دري ترڅنګ په دریو بهرنیو ژبو انکلیسي، عربي او اردو هم بشپړ تسلط لري او روانې خبرې پرې کولای شي.

حیات الله حیات په کال ۱۳۹۴ کې د سیمه ایزو ارګانونو خپلواکې ادارې په وړاندیز او د افغانستان د اسلامي جمهوري دولت د جلالتماب ولسمشر محمد اشرف غني له په منظورۍ د میدان وردګو د والي په توګه وټاکل شو.

ښاغلي حیات، چې میدان وردګو ولایت کې یې د ښې حکومتدارۍ پد اصل په اساس خپله دنده ترسره کړه، ولسونو له لورې ورته میدان وردګو ولایت کې د ښې حکومتدارۍ د بنسټ ایښودونکي لقب ورکړل شو.

بیا په کال ۱۳۹۵ کې د جلالتماب ولسمشر محمد اشرف غني په ځانګړې پاملرنه د هلمند د والي په توګه وټاکل شو، چې اوس په هلمند ولایت کې خپله دنده پرمخ وړي.

اخبار

بیشتر

اعلان کاریابی

اعلانات

بیشتر